Анчелотти Мбаппедан норози! Сабаблари маълум бўлди

Ўтган ёз “Реал”га қўшилган Килиан Мбаппе мадридликлар кутганидек ҳар нарсани уддалай оладиган суперфутболчи бўлиб чиқмади.

Энди “Реал” бош мураббийи Карло Анчелоттида ҳам франциялик ҳужумчи ўйинига етарлича эътирозлар пайдо бўляпти.

Give me Sport нашрининг таъкидлашича, Мбаппе италиялик мутахассиснинг ҳамма талабларини ҳам бажара олмаяпти.

Биринчидан, Анчелоттига Килиан ҳимояланишда жамоага ёрдам бера олмаслиги ёқмаяпти. Иккинчидан эса, франциялик юлдуз тўпсиз ҳаракат қилишда ҳам жамоадошларига кўмаклашишга қодир эмаслиги ошкор бўлди. Бу ҳолат айниқса “Барса”га қарши ўйинда мағлубиятнинг асосий сабабларидан бири бўлди.

Анчелотти Килиан Мбаппе келганидан кейин майдонда мувозанат бузилганини жамоасининг энг катта муаммоси эканини айтиб келмоқда.