Анчелотти: Менга фақат бир киши маслаҳат бера олади

Бразилия терма жамоаси бош мураббийи Карло Анчелотти ижтимоий тармоқларда мухлислар томонидан билдирилаётган танқидларга муносабат билдирди. Унинг таъкидлашича, бундай фикрлар уни издан чиқармайди, у эса қарорлар қабул қилишда аввало ўзининг кўп йиллик тажрибасига суянади.

- Футболчи ва мураббий сифатида 1400 дан ортиқ ўйинга тайёргарлик кўрганман. Балки бу футболни тўлиқ тушуниш учун етарли эмасдир, лекин бу албатта жуда катта тажриба.

Мендан кўра кўпроқ ўйинга тайёргарлик кўрган ягона инсон бор – бу Алекс Фергюсон, унинг ҳисобида 2000 дан ортиқ учрашув бор. 

Маслаҳат бермоқчи бўлганларни эшитаман, лекин менга ҳақиқатан ҳам маслаҳат бериши мумкин бўлган ягона инсон – бу Алекс Фергюсон.

Мен ўзимни 100 фоиз даҳоман, деб ҳисобламайман, лекин шу билан бирга, 100 фоиз аҳмоқ ҳам эмасман, – деди Анчелотти Folha de S. Paulo нашрига берган интервьюсида.

Бразилия терма жамоаси ҳозирча жаҳон чемпионатининг 1/8 финалига тайёргарлик кўрмоқда. Терма жамоа 5 июль куни Норвегияга қарши майдонга тушади.