Анчелотти "Наполи"га, Сарри эса Россия орқали "Челси"га ўтмоқда

Германиянинг “Бавария” клуби собиқ устози Карло Анчелотти Италияда иш бошлаши мумкин. Бу ҳақда Corriere dello Sport нашри хабар бермоқда.

Манбанинг маълум қилишича, 58 ёшли мутахассис “Наполи” бош мураббийига айланиши кутилмоқда. Италиялик мураббий неаполликлар билан шартнома борасида келишиб олган.

Анчелотти “Наполи”да Маурицио Саррининг ўрнини эгаллайди. Ўз навбатида, Сарри Россияга виза олиш учун ҳаракатни бошлаб юборган. Аммо мураббий "Зенит" билан музоракара ўтказиш учун эмас Роман Абрамовичнинг олдига келмоқда. Чунки бир неча кун олдин Абрамовичга Британияга киришга руҳсат берилмади. Шунинг учун Сарри "Челси" бошқарувига ўтириш учун Россияда Абрамович билан музокара ўтказади.