Анчелотти: “Натижа адолатли бўлмади, биз мағлубиятга лойиқ эмас эдик”

"Реал Мадрид" бош мураббийи Карло Анчелотти "Эспаньол"га қарши учралган мағлубиятдан сўнг матбуот анжуманида иштирок этди. Мутахассис бўлиб ўтган ўйин, ҳакамнинг қарорлари ва Рюдигернинг жароҳати ҳақида гапирди. 
 
"Бугун жуда қийин ўйин бўлди, биз эса буни аввалдан билар эдик. Мағлубиятга учраган бўлсак ҳам ўйинни яхши назорат қила олишга муваффақ бўлдик. 
 
Ҳакамнинг қизил карточка ҳақидаги қарори мантиққа тўғри келмади. Буни эса бутун дунё томоша қилиб, қизил эканлигини таъкидлади. ВАР айнан шу вазиятларда ёрдам бериш мақсадида ўйлаб топилган эди. Шуни ҳам айтиб ўтишим керак, менинг ҳакамларга ҳеч қандай адоватим йўқ, фақатгина қизил карточка борлигини келтирмоқчиман холос. 

Рақибга келадиган бўлсак, "Эспаньол" жуда яхши ўйнаб, жуда яхши ҳимояланишди ва ўйинни ўзгартирa олишди. 

Албатта, натижа адолатли бўлмади, биз мағлубиятга лойиқ эмасдик. Бизда имкониятлар бўлди ва жамоа мувозанатли эди. Клубим ҳали ҳамон мазкур мусобақада чемпионлик курашида етакчилик қилмоқдамиз, энди эса Мадрид дербисини кутишимиз керак. 
 
Агарда Антонинонинг жароҳати ҳақида сўрасангиз, Рюдигер ўзини бироз ёмон ҳис қилмоқда, унинг фақатгина мушакларида зўриқиш бор” – дея айтиб ўтди, италиялик мураббий.