Анчелотти Неймар нега майдонга тушмаганини тушунтирди

Бразилия терма жамоаси бош мураббийи Карло Анчелотти Жаҳон чемпионати 1/16 финалида Японияга қарши баҳсда Неймарнинг майдонга тушмагани ҳақида фикр билдирди.
⠀
"Биз Неймарни эҳтимолий қўшимча бўлимлар учун асраётган эдик. Мен у билан гаплашдим, у 60 ёки 65-дақиқаларда майдонга тушиши мумкин эди. Биз ҳисобни тенглаштирдик ва жамоа ўйинни назорат қилаётгани учун тактик тузилишни ўзгартирмасликка қарор қилдим.
⠀
Майдонда ҳам, захира ўриндиғида ҳам бизда етарлича кучли футболчилар бор. Бу жамоамиз учун катта устунлик. Ҳар бир футболчининг юқори даражада эканини қадрлашимиз керак.
⠀
Бу жуда масъулиятли ўйин эди. Япония яхши ташкил этилган ва жуда ноқулай рақиб", — деди Анчелотти.