
Anchelotti “Real”ga etishmayotgan o‘yinchi nomini aytdi
“Real”ni Ispaniya chempionati va Evropa Chempionlar ligasi g‘olibiga aylantirgan Karlo Anchelotti yangi mavsumga ham puxta tayyorgarlik ko‘rmoqda.
Dunyodagi eng qudratli jamoaga ustozlik qilayotgan italiyalik mutaxassis chempionat boshlanishi oldidan tarkib haqida fikr bildirdi.
- Bizda ajoyib o‘yinchilar jamlangan. Har bir pozitsiyadagi o‘yinchilarimiz yuqori mahorat sohibi hisoblanadi.
Yozda jamoaga Kilian Mbappe kelib qo‘shildi. Lekin bizga baribir Toni Kroos etishmayapti. Shunga qaramay, uning o‘rnini bosadigan imkoniyatga egamiz, - dedi Karlo Anchelotti.
Germaniyalik yarim himoyachi Toni Kroos mavsum yakunlanganidan keyin butsalarini mixga ilishini aytdi. Karlo Anchelotti anchagani nemis futbolchisini fikridan qaytarmoqchi bo‘ldi. Lekin Kroos terma jamoasi Evropa chempionatini tark etganidan keyin futboldan ketganini e’lon qildi.
Fikrlar