Анчелотти: “Реал”ни мана шу вундеркинд кучайтиради!
“Реал” бош мураббийи Карло Анчелотти клуб мутасаддиларидан ёзги трансферлар вақтида “Боруссия” ярим ҳимоячиси Жуд Беллингемни трансфер қилишни сўрамоқда.
Италиялик мутахассис англиялик футболчи ёш бўлишига қарамай, майдон марказида “Реал”нинг устунлигини таъминлаб беришига ишонмоқда.
Transfermarkt портали маълумотига кўра, дортмундликлар ўз футболчисини 75 миллион еврога баҳоламоқда. Унинг амалдаги шартномаси яна уч йил давом этади.
18 ёшли Беллингем жорий мавсумда “Боруссия” сафида 41 та учрашувда майдонга тушиб, рақиблар дарвозасини олти маротаба ишғол қилди ва жамоадошларининг 13 та голига ҳаммуаллиф бўлди.
Фикрлар