Анчелотти саккиз марта оффсайдга тушган Мбаппе ҳақида нима деди?

Испания чемпионатининг 11-турида “Реал” футболчилари ашаддий рақиб – “Барселона”ни қабул қилиб, йирик 0:4 ҳисобида аламли мағлубиятга учради.

Мадридликларнинг энг машҳур ҳужумчиси Килиан Мбаппе саккиз маротаба оффсайдга тушиб, антирекорд қайд этди.

Карло Анчелотти бу вазиятга қуйидагича изоҳ берди.

- “Барселона” юқори чизиқли ҳимоя қўллаши олдиндан маълум эди. Лекин биз бундан фойдалана олмадик.

Килиан Мбаппеда гол уриш учун вазиятлар бўлди, баъзан у ўйиндан ташқари ҳолатда қолиб кетди.

Лекин франциялик ҳужумчида камида уч-тўртта қулай вазият бўлганди, бу ҳолатда унга омад етишмади холос, - деди Карло Анчелотти.