Анчелотти: "Янги авлод футболчиларини тайёрлаш учун вақтимиз бор"

Бразилия терма жамоаси бош мураббийи Карло Анчелотти жамоа ривожланишида янги йўналиш белгилаб, энди асосий эътибор ёш футболчиларга қаратилишини маълум қилди.

«Бизда 2008 йилда туғилган, жуда яхши сифатларга эга ёш футболчилар бор. Улар ҳали катта майдонга чиқишмаган, лекин бу даражада ўйнаш қобилиятига эга. Ҳозир уларни диққат билан кузатиш учун жуда қулай фурсат. Албатта, 36–37 ёшда ҳам юқори даражада ўйнаётган футболчилар бўлиши мумкин. Лекин айнан шу пайт ёшларга устуворлик бериш учун тўғри вақт.

Жаҳон чемпионати биз учун хафалик олиб келди, буни оғир қабул қилдик. Лекин энди олдинга интилишимиз керак. Янги авлод футболчиларини тайёрлаш учун вақтимиз бор. Энди ўртоқлик учрашувларидан янги, ёш истеъдодларни синаб кўриш майдони сифатида фойдаланамиз. Менимча, Бразилия дунёдаги энг кучли терма жамоалар қаторида бўлиши шарт. Кейинги жаҳон чемпионатида яхшироқ ўйнаш учун ўз даражамизни оширишимиз керак», – дея Анчелоттининг сўзларини Goal нашри келтиради.

Эслатиб ўтамиз, ЖЧ-2026 мусобақасида Бразилия терма жамоаси юришини 1/8 финал босқичида тўхтатди . Карло Анчелотти шогирдлари Норвегияга 1:2 ҳисобида мағлуб бўлди.