"Андижон" Анталияда Украина премьер-лигаси иштирокчисига қарши майдонга тушади

Анталияда йиғин ўткзаётган “Андижон” клуби навбатдаги ўртоқлик учрашувини Украинанинг “Зарья” клубига қарши ўтказади. 

Украина премьер лигасида иштирок этаётган Луганскнинг ушбу жамоаси 1923 йилнинг 5 май куни ташкил этилган. “Зарья” премьер лигада айни пайтда биринчи даврадан сўнг 16 учрашувдан сўнг 6 ғалаба, 5 дуранг ва 5 мағлубият қайд этди. Тўплар нисбати 19-18 ни ташкил этмоқда. 23 очко билан мусобақа жадвалида 8-ўринда турибди.

“Зарья” Анталия йиғини доирасидаги биринчи учрашувини “Рапид II” жамоасига қарши ўтказиб 5:1 ҳисобида ғалаба қозонди. 

Айни пайтда “Зарья” клубини 56 ёшли маҳаллий таниқли мутахассисларда бири Виктор Скрипник бошқармоқда. У ушбу жамоада бош мураббий лавозимида 2025 йилнинг 16 июнь санасидан ишлаб келмоқда.

Мазкур жамоанинг энг қиммат футболчиси бразилиялик 26 ёшли ҳимоячи Жордан бўлиб, унинг “Трансфермаркт”даги нархи 1 миллион еврони ташкил қилмоқда. 

“Андижон”нинг “Зарья”га қарши ўйини бугун Тошкент вақти билан 19:00 да бошланади.

Эслатиб ўтамиз, бунга қадар "Андижон" Анталияда Туркиянинг "Сиверей Беледийеспор" (3:0), Венгриянинг "Вашаш" (0:4), Македониянинг "Вардар" (1:1), Қозоғистоннинг "Каспий" (0:1) ва яна бир Қозоғистоннинг "Шахтёр" (0:0) жамоаларига қарши майдонга тушди.