"Andijon" jamoasi "Buxoro"ga qarshi o‘yin uchun tayyorgarlikni boshladi

“Andijon” 24 sentyabr kuni Pro-liganing 19-turida Muborakda “Mash’al”ga qarshi o‘yin o‘tkazganidan keyin futbolchilarga qisqa tanaffus berilgandi.

Oldin xabar berganimizdek, jamoa a’zolari 29 sentyabrdan mashg‘ulotlarga qaytishi rejalashtirilgandi va bugun futbolchilar navbatdagi o‘yin uchun tayyorgarlikka kirishdilar.

Pro-liganing 20-turi 4 va 5 oktyabr kunlariga belgilangan. Ammo "burgutlar" bu turda dam oladi. Navbatdagi 21-tur doirasida esa andijonliklar “Bobur Arena”da “Buxoro”ni qabul qiladi.

Shu munosabat bilan vodiy klubi e’tiborini endi 10 oktyabr kuni bo‘ladigan muhim bellashuvga qaratgan.

Manba: “Andijon” PFK matbuot xizmati.