“Андижон” Винисиус билан музокараларни бошлади

Суперлиганинг “Андижон” клуби бразилиялик Доминик Винисиусни олиб келиш борасида музокара ўтказмоқда. 
 
Сўнгги кунларда “аждарлар” янги мавсум бошланишидан аввал трансферлар ойнасида ҳужум чизиғини кучайтиришни мақсад қилиб қўйган. Шу боис, клуб раҳбарлари ҳозирда эркин агент бўлиб турган Винисиус билан музокараларни бошлаган. 
 
Бизга маълум бўлишича, 29 ёшли ҳужумчи маош борасида “Андижон” берган таклифга розилик билдирса, мазкур трансфер тез орада амалга ошиши мумкин. 
 
Эслатиб ўтамиз, Доминик фаолияти давомида 142 та ўйинда иштирок этиб, 61 та гол ва 12 та голли узатмага муаллифлик қилган. Унинг Тransfermarkt порталидаги нархи 350 минг евро деб баҳоланмоқда.