"Андижон" янги легионер билан музокара ўтказмоқда
“Андижон” клуби таркибни кучайтириш учун легионерлардан ҳам фойдаланишни мўлжаллаб турибди. Бу борада айримлари билан ҳам музокаралар олиб бориляпти.
Sports.uz маълумотига кўра, “Андижон” клуби Қирғизистон терма жамоаси етакчиларидан бири, асли германиялик бўлган Эдгар Бернхардтга қизиқиш билан қарамоқда. Ҳозирда томонлар музокара олиб бормоқда, агар ҳаммаси ижобий ҳал бўлса, ушбу ярим ҳимоячи янги мавсумни “Андижон” сафида ўтказади.
Маълумот ўрнида айтиш керакки, 35 ёшли Бернхардт 2019 йили БАА майдонларида ўтказилган Осиё кубогида Қирғизистон терма жамоаси таркибида тўп сурган. Фаолияти давомида эса, у Германия, Нидерландия, Финляндия, Польша, Таиланд, Малайзия, Уммон, Бангладеш чемпионатларида ўйнаган.
Фикрлар