"Andijon"ga bosniyalik legioner keldi

“Burgutlar” bugun navbatdagi transferni amalga oshirdi.

Jamoa o‘yinini yanada kuchaytirish maqsadida Bosniya va Gertsegovinadan tajribali futbolchi Mirzad Mexanovich taklif qilindi va u bilan shartnoma imzolandi.

Klub matbuot xizmatining xabar berishicha, 1993 yilning 5 yanvar kuni tavallud topgan hujumkor yarim himoyachi jamoamizning ayni paytda Tojikistonda bo‘lib o‘tayotgan o‘quv-mashg‘ulot yig‘inlariga qo‘shildi.

Mexanovichning oxirgi klubi Bosniyaning “Radnik Bliena” hisoblanadi. U erda 16 ta o‘yinda 2 ta gol urgan va 8 ta golli pasni amalga oshirgan.

Umuman olganda, Mirzad faoliyati mobaynida “Mlada Boleslav” (Chexiya), “Kolin” (Chexiya), “Podbrezova” (Slovakiya), “Varnsdorf” (Chexiya), “Yablonets” (Chexiya), “Fastav Zlin” (Chexiya), “Ordabasi” (Qozog‘iston), “Al-Shola” (Saudiya Arabistoni), “Tuzla Siti” (Bosniya va Gertsegovina)” va “Radnik Bielina” (Bosniya va Gertsegovina) klublarida to‘p surgan.

Hozirga qadar Mexanovich 265 ta o‘yinda maydonga tushib raqiblar darvozasiga 52 ta gol urgan va 63 ta golli pasni uzatgan.