Андрей Канчельскис: Бугун 2 очко йўқотдик

Ўзбекистон Суперлигасининг 3-турида "Андижон" клуби ўз уйида "Навбаҳор"ни қабул қилди ва беллашув нурсиз дуранг билан якунига етди.

Учрашувдан сўнг, меҳмонлар устози Андрей Канчельскис ўз фикрларини билдириб ўтди.

"Дерби бу дерби. Рақибимиз жиддий тайёргарлик кўргани билинди ва биз ҳам тайёрлангандик. Доимо дербилар қийин бўлган. Гол уришимиз ҳам мумкин эди, ўтказиб юборишимиз ҳам мумкин эди. Асосийси мухлисларга ёқадиган ўйин бўлди деб ўйлайман. Очколар керак эди, барчага очко керак. Бугун 2 очко йўқотдик. Агар гол уриб олганимизда, барчаси бошқача бўлар эди. Биринчи навбатда йигитларга хоҳиши, маъсуляти ва курашишганлиги учун раҳмат айтаман. Шу ўринда, ташриф буюриб, бизни қўллаб-қувватлаб турган мухлисларга ҳам алоҳида миннатдорчилик билдираман. Ҳақиқатдан ҳам улар бизга катта куч беришади ва бизнинг ҳақиқий 12-ўйинчимиз ҳисобланишади.

Мен 2 очко йўқотилган ўйинларнинг натижасидан норози бўламан. Биз ғалабага тайёргарлик кўргандик, аммо қайтариб айтаман бу дерби! Мен ўзимнинг дастлабки дербийимни ёдга олсам, бу шотланд дербиси бўлган ва унда қўлларини синдириб олишганди.

Матбуотдан, раҳбариятдан умуман барчадан қандай босим бўлишини яхши билиб турамиз. Бундай вазиятларда, бирор-бир футболчи психологик томондан синиб қолиши ҳам мумкин. Шундай жиҳатларни ҳисобга олсак, натижадан хурсанд эмасман, аммо йигитлардан мамнунман.

Айрим футболчиларда дербининг босимидан бироз довдираш, ўзини йўқотиб қўйиши кўринди. Бу дастлабки бўлимда яққол кўзга ташланди, аммо иккинчи бўлимда йигитлар ўзини қўлга олишди ва вазиятни ўнглашга ҳаракат қилишди. Бунга асосан, матбуот, газеталар, суҳбатларнинг дерби, дерби, дерби деган босими сабаб бўлди деб ўйлайман.

Коронавирус ҳақида нима дейиш мумкин? Албатта, мухлисларсиз майдонларда майдонга тушиш ёқимсиз. Барибир, биринчи ўринда инсон соғлиғи туради. Яхшиси келинг, эртанга қандай қарор қабул қилишлигини кутамиз.

Ҳа, мен Андижонда илк бор бўлишим ва бу ер менга ёқди. Стадион, меҳмонхона умуман барчаси аъло даражада, Агар майдонга яна бироз яхшироқ қарашганида нур устига аъло нур бўларди." - деди Канчельскис.

Фикрлар

Фикр қолдириш учун авторизациядан ўтинг!
Абдусамат Жураев
15/03/2020 21:03
ТАКТИКА НОЛЛЛ УЙИН НОЛЛЛ УЗИНГАМ НОЛЛЛ КАЕЧЕЛЬСКИЙ НАКД УЧ ОЧКО ЭДИ ПАХТАКОР ВА СУРХОН МУХЛИСЛАРИ НАВБАХОР УСТИДАН ЧЕМ АЗИЯДАН КОТИБ КОТИБ КУЛИШЯПТИ КУЛГИ КУЙДИНГ КАНЧЕЛЬСКИЙ
Xojiakbar Muhammedov
15/03/2020 22:12
Бу сафар майдон айбдор булдими? Канчелски бу клубдан кет, санда на тактик схема бор на рухий устун жихат. Эссиз наманганлик мухлисла жон бериб жон олиб сани оклаб юришипти, ишонишвотти хар холда. Утган йилги холат эсимга тушвотти борган сари: бошлангич турларда навбахор чемпионликка давогар эди, давралар оралигида кучли туртликка хакли эди, охирида эса сал колса пролигага тушиб кетарди. Бу инсон буса вакти ва энергиясини ривожланишга эмас, бировларни навбахорга карши муносабатини тахлил килишга сарфлаб келди. Яна бир бор айтаман эссиз кучли таркиб ва жонкуяр асл мухлислар ЭССИЗ!!!