Англия ирода эвазига Бельгиядан устун келди

УЕФА Миллатлар Лигаси 2020/2021 йилги мавсуми А лига 3-туридан ўрин олган Англия ва Бельгия учрашуви ўз якунига етди. Унда мезбонлар 2:1 ҳисобидаги ғалабага эришди. 

Шу тариқа, "уч шерлар" ўз ҳисобидаги очколарни 7 тага етказиб, гуруҳда 1-поғонага кўтарилиб олди. Иккинчи ўриндан мос равишда, 6 очко тўплаган Бельгия ўрин олди. 

• 90'
  

  Баҳс ўз якунига етди. Матнли трансляцияни Абдулвосид Валихонов олиб борди.

• 90+'
  

  Учрашув асосий вақтига 4 дақиқа қўшиб берилди.

• 89'
  

  Маунт ўз ўрнини Санчога бўшатиб берди.

• 85'

  Рэшфорднинг жарима майдонига кириб бориб, йўллаган зарбаси ноаниқ кетди.

• 83'
  

  Карраско ўрнига Доку майдонга тушди.

• 82'
  

  Бурчакдан узатилган тўпни Кейн боши билан дарвоза томон йўллади.

• 80'
  

  Бельгиянинг бурчак зарбаси ҳимоячилар томонидан қайтарилди.

• 78'
  

  Арнольд ўрнига Рис Жеймс майдонга тушди.

• 75'

  Инглизлар табиийки, шошмайди. Бу рақибларни баттар асабийлаштиради.

• 72'

  Каррасконинг зарбасига аниқлик етишмади. Яхши имконият қўлдан бой берилди.

• 68'

  Бельгияликлар олдинга бормоқда. Энди инглизлар шошмай ҳаракат қилади.

• 64'
  

  ГОООООООООООЛЛЛЛЛЛЛЛЛЛЛЛЛЛЛЛ!!! Маунт супер гол урмоқда. Рекашет тўпнинг дарвозага супер тарзда тушишига замин яратди.

• 63'

  Лукакунинг зарба беришига ҳимоячилар йўл қўймади.

• 61'

  Калверт-Льюиннинг ноқулай ҳолатдан йўллаган зарбаси кучсиз чиқди.

• 60'

  Бельгия ҳужумда анча тезкор ҳаракат қилмоқда. Ҳозирча, Англия ҳимояси бир амаллаяпти.

• 57'

  Кастаннинг ўтиб кетишига энг сўнгги паллада Уокер йўл қўймади.

• 55'
  

  Бурчакдан узатилган тўпга Калверт-Льюин боши билан аниқ зарба бера олмади.

• 55'

  Маунтнинг жарима майдони марказига узатган тўпи ҳимоячилар томонидан қайтарилди.

• 54'
  

  Триппьер бурчакдан узатган тўпни ҳимоячилар қайтариб юборди.

• 53'

  Жарима майдонига узатилган тўпга Калверт-Льюин зарба бера олмади. 

• 50'

  Рэшфордга ҳимоячилар мукаммал зарба йўллаш имконини беришмади.

• 48'

  Бельгия иккинчи таймни ҳам жуда хотиржам бошлади. 

• 46'
  

  Иккинчи тайм бошланди.

• 45'
  

  Ҳакам биринчи бўлимга ҳеч қандай вақт қўшиб бермади. Танаффус.

• 43'

  Каррасконинг жарима майдони ичидан берган зарбаси ноаниқ кетди.

• 39'
  

  ГОООООООООООООЛЛЛЛЛЛЛЛЛЛЛЛЛЛ!!! Рэшфорд ҳисобни тенглаштирди.

• 38'
  

  Англия стандарт пайтида пенальти ишлади. Менье рақибни очиқчасига ушлаб олди.

• 35'

  Арнольд узатган тўп дарвозабоннинг қўлларига бориб тушди.

• 32'
  

  Райс Вицелга нисбатан ишлатган қўполлиги учун огоҳлантирилди.

• 30'

  Англия рақиб жарима майдони атрофида беҳуда айланиб, қайтиб кетмоқда.

• 27'

  Бельгия ташаббусни қўлга олди. 

• 24'

  Англия жарима зарбасидан наф чиқара олмади. Триппьер тўпни узатган жойда ҳеч ким йўқ эди.

• 22'

  Хендерсонни майдон марказида йиқитишди. Ҳакам сариқ карточкага эрта, деб ҳисоблади.

• 19'
  

  Де Брюйненинг жарима майдони ташқарисидан берган зарбасини дарвозабон ушлаб олди.

• 16'
  

  ГОООООООООООООЛЛЛЛЛЛЛЛЛЛЛЛЛЛЛЛ!!! Лукаку ўзи ишлаган пенальтини аниқ амалга оширди.

• 15'
  

  Лукакунинг тезкорлиги жамоасига пенальти тақдим этди.

• 13'

  Англия бироз хушёр ўйнай бошлади. Бельгия қарши ҳужумда хавфли.

• 11'
  

  Каррасконинг голи инобатга олинмайди. Ҳужум аввалида офсайд қайд этилган. 

• 10'

  Лукакунинг жарима майдони марказидан берган зарбаси бироз ноаниқ кетди. 

• 7'

  Англия ҳамон тўп билан. Аммо бироз ортга чекинишга мажбур бўлди.

• 5'

  Англия терма жамоаси аъзолари тўп билан кўпроқ муомалада бўлишмоқда.

• 3'

  Де Брюйненинг узатмаси ҳимоячилардан ўтмади.

• 1'

  Дастлабки дақиқаларданоқ инглизлар ҳужумга ўтди. Зарба йўлини ҳимоячилар блоклашга эришди.

• 1'
  

  Ўйин бошланди.

• 0'

  Жамоалар майдонга тушиб келишди. Икки давлат мадҳиялари янграмоқда.

• 0'

  Ассалому алайкум, азиз футбол мухлислари. Эътиборингизни Англия - Бельгия учрашувига қаратамиз. Матнли тарзда ушбу учрашувни Абдулвосид Валихонов олиб боради.