Англияни бошқарган мураббийни вақтинча ишга таклиф қилишяпти

Англия Премьер-лигасида иштирок этаётган “Кристал Пэлас”нинг бу мавсум ўйини ва натижалари кутилганидек бўлмаяпти. Ўтган йили Англия кубоги ва Суперкубогини қўлга киритган жамоа бу гал ҳеч қандай соврин ёки Европа кубоклари йўлланмасига умид қила олмайди.

Клуб раҳбарияти бош мураббий Оливер Граснерни истеъфога чиқармоқчи. Ёзда унинг ўрнига бошқа мутахассис олиб келинади. “Кристал Пэлас” мўлжаллаган мураббийларнинг ҳозир иши бор.

Шу боис, клуб хўжайинлари жорий мавсум охиригача жамоани бошқариб туришга Англия терма жамоасининг собиқ бош мураббийи Гарет Саутгейтни таклиф қилди ва уни ҳамкорликка кўндиришга ҳаракат қиляпти.

Гарет Саутгейт Англия терма жамоасидан кетганидан кейин ҳали ўзига жамоа танлагани йўқ. Аввалги мавсум арафасида “Манчестер Юнайтед” бир неча бор уни бошқарувга олиб келишга уриниб кўрган эди.