Angliyaning eng qudratli klubi Messining Argentina terma jamoasidagi vorisini olib keladi

«Arsenal» (London) Italiyanning «Como» klubi yarim himoyachisi Nikolas Pasning o‘yinlarini kuzatishda davom etmoqda.

Ma’lumotlarga ko‘ra, londonliklar argentinalik futbolchini o‘tgan yozdayoq tarkibga qo‘shish imkoniyatini ko‘rib chiqqan. Biroq o‘sha paytda Pas Italiyada qolishni ma’qul ko‘rgan: «Como» unga bo‘lgan barcha huquqlarni «Real Madrid»dan 60 million yevro evaziga sotib olgan edi. BBC xabariga ko‘ra, «Arsenal» 21 yoshli futbolchiga bo‘lgan qiziqishini yo‘qotmagan va u kelasi yil klubning asosiy transfer maqsadlaridan biriga aylanishi mumkin.

Transfermarkt portali Nikolas Pasning bozor qiymatini 80 million yevro atrofida baholamoqda. «Como» bilan sobiq «Real» tarbiyalanuvchisining amaldagi shartnomasi 2028 yilgacha mo‘ljallangan.

Eslatib o‘tamiz, «Arsenal» joriy yozgi transfer oynasidan yangi futbolchilarni olish uchun 200 million yevrodan ortiq mablag‘ sarfladi.

Eslatib o‘tamiz, Argentina terma jamoasi sardori Lionel Messi xalqaro faoliyatini yakunlaganini e’lon qilganidan keyin u o‘ynagan 10-raqam Nikolas Pasga berilishi haqida ma’lumotlar tarqatilmoqda.