Англиянинг тўрт клуби ҳали номи чиқмаган футболчини талашяпти

Бельгиялик ярим ҳимоячи Николас Раскин, шартномавий жиҳатдан Шотландиянинг «Рейнжерс» клубига тегишли бўлса-да, Англия премьер-лигаси жамоалари орасида жиддий қизиқиш уйғотмоқда.

Инсайдер Экрем Конурнинг ижтимоий тармоқларда хабар беришича, Англиянинг «Кристал Пэлас», «Тоттенхэм», «Лидс» ва «Ноттингем Форест» клублари 25 ёшли футболчини ўз сафига қўшиб олиш истагинибилдирган. 

Ўтган ёзда Раскинни Туркиянинг «Бешикташ» жамоаси ҳам олишга уринган, аммо ўша пайтда келишув амалга ошмаган.

Николас Раскин 2023 йил январидан буён «Рейнжерс» шарафини ҳимоя қилиб келмоқда. Белгиялик футболчининг клуб билан тузган шартномаси 2028 йил май ойи охиригача амал қилади. Мутахассислар унинг трансфер қийматини тахминан 17 миллион евро атрофида баҳоламоқда.