Анкалаев Хиллнинг танқидига муносабат билдирди

Ярим оғир вазндаги UFC жангчиси Магомед Анкалаев(18-1-1-1 N/C) собиқ чемпион Жамол Хилл(12-1-1 N/C)нинг танқидига муносабат билдирди.

Аввалроқ, америкалик доғистонликнинг унвонга даъволарини бир неча бор масхара қилиб, унинг зерикарли услуби ва жанглари мухлисларга ёқмаслигини гапирган эди.

“Менинг ўйлашимча, Сенинг қаерингдир лат еган, шунингдек, семизсан ҳам. Агар майгача чемпионга қарши жанг қилишга тайёр бўлмасанг, унда мен чемпионликни қўлга киритаман”, — деб ёзади Анкалаев X тармоғида.

Эслатиб ўтамиз, 14 январь куни Лас-Вегасда бўлиб ўтган "UFC Fight Night 234" турнирида Анкалаев Жонни Уокерни иккинчи раунддаёқ нокаутга учратган эди.