Антонио Конте: "Фақат дуо билан барча нарсага эришиб бўлмайди"

"Наполи" клуби бош мураббийи Антонио Конте ўз жамоаси фақатгина ибодат билан чемпионликка эриша олмаслигини айтди. 

"Мен эътиқодли инсонман. одамман. Мўжизалар содир бўлиши учун фақатгина Яратганга дуо қилиш керак бўлади. Аммо фақатгина айнан дуо билангина барчаси ҳал бўлиб қўлмайди.

Биз барчамиз бир жамоа, аҳил оила бўлиб неаполлик инсонларга қувонч олиб келиш учун ҳаракат қилмоғимиз даркор. Ошпаздан тортиб фаррошгача, ҳаммамиз ҳамжиҳатликда бўлсак, олдимизга қўйган мақсад ва вазифаларга биргаликда эриша оламиз.

Умуман олганда ҳозир хато қила олмаймиз. Бунга асло ҳаққимиз йўқ. Футболда мўъжизалар доим содир бўлган. Бироқ, шунга ҳам умид қилиш учун аввало меҳнат қилиш керак. АЙтиб ўтганимдек, ёлғиз ибодатнинг ўзигина етарли эмас", - деди Антонио Конте.