Анхель ди Мария Роналду Мессидан нимаси билан устун эканини айтди

Аргентина терма жамоаси ва "Реал Мадрид" собиқ футболчиси Анхель ди Мария Месси ёки Роналду деган саволга қуйидагича жавоб берди.

"Профессионаллик бўйича шубҳасиз Криштиану биринчи ўринда. Унинг ўз устида қандай ишлашини кузатиш, Месси билан рақобатда доим энг яхшиси бўлишга интилишини томоша қилиш ажойиб эди. Унинг ҳаракатларидан ҳайратда қолмасдан бошқа илож йўқ. Бироқ у Месси билан бир даврда ўйнаган ва ўз мақсадларига эришиш доим қийин бўлган", - деди аргентиналик футболчи.

Бундан ташқари, Ди Мария Мессига энг яхши бўлишдек илоҳий қобилият берилганлигини таъкидлади.