Анхель ди Мария: "Шу тарзда якунлаш — жуда оғриқли"

"Бенфика" футболчиси Анхель ди Мария Португалия чемпионати якунланиши ортидан клубни тарк этиш қарори ҳақида гапирди.

— Бу чемпионатда биз хоҳлаган натижа эмас эди. Шу тарзда якунлаш — жуда оғриқли. Бу футболкадаги менинг чемпионатдаги охирги ўйиним эди. Уни яна бир бор кийганимдан фахрланаман. Олдимизда кубок финали бор ва унда ғалаба қозониш учун майдонга чиқамиз, — деди аргентиналик футболчи "Бенфика"нинг расмий сайтига.

Жорий мавсумда 37 ёшли Ди Мария барча мусобақаларда 39 та ўйин ўтказиб, 15 та гол урди ва 10 та голли узатмани ўз ҳисобига ёздириб қўйди.

Маълумот ўрнида, жамоа ички чемпионатни 80 очко билан 2-ўринда якунланди. "Спортинг" эса рақибидан 2 очко кўп тўплаган ҳолда, чемпионликни расмийлаштирди. Ушбу икки клуб ўртасидаги сўнгги беллашувда эса 1:1 ҳисобидаги дуранг қайд этилган эди. Ди Мария таъкидлаган финалда эса жамоа яна "Спортинг" билан куч синашади.