АПЛ. "Арсенал" - "Вулверҳэмптон": Матнли трансялция

Ассалому алайкум, муҳтарам футбол ихлосмандлари! Англия Премьер-лигаси 10-туридан ўрин олган "Арсенал" - "Вулверҳэмптон" учрашуви матнли тарзда эътиборингизга ҳавола этилади. Уни сизлар билан Жавоҳир Азимов кузатиб боради.

• 90+5'
  

  Ўйин якунланди.

• 90+1'
  

  Киран Тирни қўпол ўйини учун сариқ карточка билан огоҳлантирилди.

• 90'
  

  Иккинчи таймга 4 дақиқа қўшиб берилди.

• 89'
  

  Конор Коуди рақибини йиқитди ва хакам томонидан сариқ карточкага лойиқ кўрилди.

• 86'
  

  Роб Холдинг хақли равишда сариқ карточка олди.

• 81'
  

  Гранит Джака ўрнини Александр Ляказеттга бўшатиб берди.

• 78'
  

  Фабио Сильва учун ўйин якунланди. Макс Килман майдонга тушди.

• 75'

  Райсс Нельсоннинг зарбасига аниқлик етишмади.

• 70'
  

  Рубен Невеш майдонга тушди, Даниэль Поденсе захирага олинди.

• 69'
  

  Эктор Беллерин хакам томонидан сариқ карточка билан сийланди.

• 65'
  

  Райсс Нельсон Виллиан ўрнига майдонга тушди.

• 60'

  Даниэль Поденсенинг зарбасини ҳимоячилар қайтаришди.

• 56'
  

  Фабио Сильва қўполлиги учун сариқ карточка билан жазоланди.

• 54'
  

  Адама Траоре сариқ карточка билан огоҳлантирилди.

• 53'
  

  Шифокорлар Габриэльга ёрдам кўрсатишмоқда.

• 50'

  Бельериннинг узатмасига Сака зарба бера олмади.

• 47'
  

  Рақибига нисбатан қоида бузган Боли огоҳлантирилди.

• 46'
  

  Иккинчи тайм бошланди!

• 46'
  

  Бўлимлар оралиғида Артета ўзгариш амалга оширди: Роб Ҳолдинг Давид Луизни алмаштирди.

• 46'

  Футболчилар майдонга қайтди. Биз ҳам қайтамиз!

• 45+10'
  

  Танаффус!

• 45+9'
  

  Беьерин Виллианнинг узатмасини офсайдда қабул қилди.

• 45+8'
  

  Дани Себальосга тиббий ёрдам кўрсатилди.

• 45+6'

  Ҳисобни тенглаштириш мақсадида Артета шогирдлари тинмай олдинга ўтяпти. Тўп кетма-кет жарима майдонига узатилмоқда.

• 45+4'

  "Вулверҳэмптон" ажойиб комбинация уюштирди. Бироқ сўнгги нуқтани қўйиши керак бўлган Траоре мўлжалда адашди.

• 45+3'
  

  Санту шогирдлари бурчак тўпидан ўзларига керакли натижани чиқара олишмади.

• 45+1'
  

  Обамеянгнинг ўткир бурчакдан йўллаган зарбасини дарвозабон ушлаб олди.

• 45'
  

  Биринчи бўлимга 10 дақиқа қўшиб берилди.

• 45'

  Давид Лузининг зарбаси анча баланддан ўтиб кетди.

• 44'

  Жарима майдони яқинида Виллианга нисбатан қоида бузилди. Мезбонларда яхши стандарт юзага келди.

• 42'
  

  ГООООООООООЛЛЛЛЛЛЛ! "Бўрилар" яна олдинга ўтиб олди!

  Нетунингкучли зарбасини Лено ушлаб ололмади. Вазият яқинида турган Поденсе бир рақибдан ўтиб, дарвозабоннинг ожиз нуқтасини ишғол қилди.

• 39'

  Нету жарима майдонига ажойиб узатма амалга оширди. Айнан Рауль Хименеснинг ўрни шу ерда билинди.

• 37'
  

  Сака бурчак тўпи ишлаб олди. Бироқ шериклари хавфли вазият ярата олмади.

• 35'

  Тўп назорати "бўрилар"да. "Канонирлар" прессиинг уюштирмоқда.

• 32'

  Ўйин фаол курашлар остида давом этмоқда.

• 30'
  

  ГООООООООООЛЛЛЛЛЛЛ! "Арсенал" мувозанатни тиклади!

  Виллиан етказиб берган тўпни Габриэль дарвозага жойлаб қўйди.

• 29'

  Бельериннинг узатмасини ҳимоячи майдондан чиқариб юборди.

• 27'
  

  ГООООООООООЛЛЛЛЛЛЛ! "Вулверҳэмптон" ҳисобни очди!

  Жарима майдонига оширилган тўпни Дендонкер дарвозага йўллади. Тўп тўсиндан қайтди. Нетунинг такрорий зарбаси эса голга айланди.

• 26'

  "Тўпчилар"нинг узатмалари ноаниқ кетмоқда. Футболчилар ўртасида ўзаро тушунмовчилик юзага келяпти.

• 24'

  Поденсенинг жарима майдонига оширган тўпини Бельерин узоқлаштирди.

• 23'

  Луиз Виллианни олдинга бошлаганди. Бироқ узатма кучлилик қилди.

• 21'

  Себальос тезкор қарши ҳужумга ўтаётган Сильвани тактик фол эвазига тўхтатди. Ҳакам уни оғзаки тарзда огоҳлантирди.

• 19'
  

  Обамеянг воқеалар ривожидан бироз илгарилаб кетди.

• 17'

  Футболчилар курашга киришдан қўрқмаяпти. Бироқ баъзи футболчиларда оддий хатолар ҳам кўзга ташланмоқда.

• 15'

  Рауль Хименесга соғлик тилаган ҳолда, бор эътиборимизни майдонга қаратамиз! Бош ҳакам ўйинни давом эттиришга рухсат берди.

• 14'
  

  Жароҳат олган Хименесни замбилда майдондан олиб чиқишди. Фабио Сильва унинг ўрнини тўлдирди.

• 12'

  Катта танаффус юзага келди. Футболчилар совуб қолмаслик учун кичик машғулотлар ўтказмоқда.

• 9'
  

  Эпизоднинг асосий қаҳрамони Давид Луизнинг боши ёрилди. Унинг боши боғлаб қўйилди.

• 7'

  Ўйин тўхтат турибди. Меҳмонлар вакили ҳушини йўқотди. Унга тиббий ёрдам кўрсатилмоқда.

• 5'
  

  Жарима майдонига етказиб берилган тўп учун курашда Давид Луиз рақибига нисбатан анча кескин ўйнади. "Вулверҳэмптон" футболчиси майдонда ётибди.

• 2'
  

  Илк дақиқалардан меҳмонлар фаоллик кўрсатмоқда. Нетунинг фаоллиги бурчак тўпи ишланишига сабаб бўлди.

• 1'
  

  Учрашув бошланди!

• 0'

  Футболчилар майдонга тушиб келди. Ўйин футбол афсонаси Диего Марадога хотирасига 1 дақиқалик сукут билан бошланади.