АПЛ бунга мажбур бўлмоқда

Англия премьер-лигаси клублари коронавирус туфайли футболчилар маошини камайтирмоқчи. Катта эҳтимол билан АПЛда тўп сурувчи футболчилар 50% маошларидан айрилишади.

Клублар ўйинлардан даромад олмаётганликлари сабаб шундай қарорга келишга мажбур бўлишган. Айтиш керакки, премьер-лига ўйинлари коронавирус сабаб тўхтатиб қўйилган эди. Ҳозирча чемпионатнинг тез орада бошланиши тахмин қилинмаяпти.

"Муҳими, футболчилар нега биз бундай қарорга келаётганимизни тушунишлари керак. Улар елкама-елка туриб бизга ёрдам беришлари керак. Футболчилар муаммо ечимининг бир қисмига айланишлари лозим", - дейди АПЛ раҳбарларидан бири.

3 апрель куни АПЛ мавсумни қачон давом эттириш бўйича йиғилиш ўтказмоқчи.