АПЛ.

Ассалому алайкум, муҳтарам футбол ихлосмандлари! Англия Премьер-лигаси 10-туридан ўрин олган "Челси" - "Тоттенҳэм" учрашуви матнли тарзда эътиборингизга ҳавола этилади. Уни сизлар билан Жавоҳир Азимов кузатиб боради.

Челси

    Премьер-лига 10-тур

    29/11/2020, 21:30

    0
    :
    0
    Тугади

    Тоттенхэм

      Стадион: Stamford Bridge 0 томошабин

      Бош ҳакам: Paul Tierney

      45'
      90'

      • 90+4'

        Учрашув якунланди. Матнли трансляция Жавоҳир Азимов томонидан олиб борилди!

      • 90+3'

        Бу сафар Зума хато қилди ва Ло Чельсо қулай вазиятга эга бўлди. Бироқ у ҳам қарор қабул қилишда адашди. Унинг узатмаси жуда ноаниқ чиқди.

      • 90+2'

        Ҳимоячининг хатосидан кейин Жиру жуда қулай вазиятга эга бўлди. Бироқ ҳужумчи тўпни дарвозабон турган томонга йўллади. Льорис тўпни ушлаб олди.

      • 90+2'

        Майдонда йўқолиб қолган Сон ўрнига Лукас Моура ўйинга қўшилди.

      • 90'

        Ўйиннинг асосий вақтига 4 дақиқа қўшиб берилди.

      • 89'

        Бен Дэвис Стивен Бергвейн ўрнига майдонга тушди.

      • 88'

        Матео Ковачични қоида бузиш эвазига тўхтатган Регилон огоҳлантирилди.

      • 86'

        Сўнгги дақиқаларда ҳам тўп назорати "аристократлар"да. Улар ғалаба учун кўпроқ тер тўкяпти.

      • 83'

        Бугун ўйини ўхшамаган Ҳаким Зиеш ўз ўрнини Кай Ҳаверцга бўшатиб берди.

      • 81'

        Маунтнинг узоқ масофадан йўллаган "пушка" зарбасини Льорис катта қийинчилик билан қайтарди.

      • 79'

        Оливьер Жиру жароҳат олган Абраҳамни алмаштирди.

      • 78'

        Тэмми Абраҳам жароҳат олди.

      • 76'

        Мэйсон Маунт ҳам огоҳлантирилди.

      • 75'

        Серж Орье билан тўқнашиб кетган Бенн Чилуэллга тиббий ёрдам кўрсатиляпти.

      • 74'

        Кристиан Пулишича узоқ муддатли жароҳатдан сўнг яна майдонга тушди. Унинг ўрнига Тимо Вернер захирага олинди.

      • 72'

        Бурчакдан етказиб берилган тўпга Кейн зарба бера олмади.

      • 70'

        Моуриньо шогирдлари ҳужумда катта қийинчиликка дуч келмоқда.

      • 68'

        Вернернинг навбатдаги зарбаси ҳам дарвозага қадар етиб бормади.

      • 65'

        Танги Ндомбеле ўз ўрнини Жиованни Ло Чельсога бўшатиб берди.

      • 64'

        Вернернинг қулай узатмасидан кейин Абраҳам зарба бера олмади. Яна бир қулай имконият қўлдан кетди.

      • 63'

        Ҳар икки жамоа орқа чизиғда ишончли ҳаракат қилмоқда. Ҳужумчиларга осон бўлмаяпти.

      • 61'

        Вернернинг узатмасига шериги ета олмади. "Челси"нинг позицион ҳужуми яна бесамар якунланди.

      • 58'

        Марказга оширилган тўпни бўйи баланд бўлмаган Чилуэлл дарвозага йўллади. Тўп ҳимоячиларга тегиб, ўз йўналишини ўзгартирди.

      • 57'

        "Челси" бурчак яқинида стандарт вазиятга эга бўлди.

      • 55'

        Футболчилар бироз қўпол ўйин кўрсатишни бошлади. Бу сафар Курт Зума сариқ карточкага лойиқ кўрилди.

      • 53'

        Регилоннинг юзига қўли билан зарба берган Рис Жеймс огоҳлантирилди.

      • 51'

        Қанотдан узатилган тўпга Абраҳам мослаша олмади.

      • 50'

        Стивен Бергвейн огоҳлантирилди.

      • 48'

        Жеймснинг узатмасидан кейин Абраҳам тўпга бироз ета олмади. Яхши вазият яратилганлигини эътироф этиш жоиз.

      • 47'

        Жарима майдони ичида тўпни қабул қилган Вернернинг қўлига тўп тегиб кетди. Ҳакам ўйинни тўхтатди.

      • 46'

        Иккинчи бўлим бошланди!

      • 46'

        Футболчилар майдонга қайтди. Биз ҳам қайтамиз!

      • 45+2'

        Танаффус!

      • 45+1'

        Канте жарима майдонига катта тезликда кириб кетиши мумкин эди. Бироқ ҳимоячи уни тўхтатди.

      • 45'

        Биринчи бўлимга 1 дақиқа қўшиб берилди.

      • 43'

        Таймни сўнгини "Челси" фаол ўтказмоқда.

      • 42'

        Зиеш бугун ўзига ўхшамаяпти. Унинг бу сафарги узатмаси ҳам ноаниқ чиқди.

      • 40'

        Чилуэллнинг узатмаси рекашет натижасида дарвозага йўналди. Жо Родоннинг бахтига Льорис тўпни эгаллаб олди.

      • 38'

        Зиешнинг узатмасидан кейин Абраҳам тўпга антиқа услубда зарба бермоқчи бўлди. Бироқ Тэмми тўпга мослаша олмади.

      • 36'

        Чилуэллнинг зарбасига аниқлик етишмади.

      • 35'

        Абраҳам қанотда марказга пас берди. Ҳимоячи тўпни майдон ташқарисига чиқариб юборди.

      • 33'

        Энди "шпорлар" тўпни ўзаро бир-бирига узатиб, рақибнинг ожиз нуқтасини изламоқда.

      • 30'

        Стандартдан Кейн ноаниқ зарба берди.

      • 29'

        Регилонни ортдан чалиб йиқитган Зиеш огоҳлантирилди.

      • 28'

        Маунт икки рақибидан ўтиб, чап оёқда зарба йўллади. Тўп тўсин юқорисидан ўтиб кетди.

      • 27'

        Канте ўз жарима майдонида рақиб футболчисини моҳирлик билан тўхтата олди.

      • 24'

        Зиешнинг ноаниқ узатмаси жамоасининг ҳужуми барбод бўлишига сабаб бўлди.

      • 21'

        Маунтнинг хатосидан кейин "шпорлар" қарши ҳужумга ўтди. Бироқ Кейн шерикларидан ёрдами олмагандан кейин ортга қайташга мажбур бўлди.

      • 19'

        Тўп назорати ҳамон Лэмпард шогирдларида.

      • 17'

        Қарши ҳужумга югурган Сон ўйиндан ташқари ҳолатда қолиб кетди.

      • 15'

        Орьенинг зарбасини дарвозабон қайтарди.

      • 14'

        "Шпорлар"нинг бурчак зарбаси зарарсизлантирилди.

      • 13'

        Икки рақибга қарши чиққан Ндомбеле ҳужумда тўп йўқотди.

      • 11'

        Вернерн ўткир бурчакдан дарвозани ишғол этди. Бироқ ҳакам голни бекор қилди. Тимо воқеалар ривожидан бироз илгарилаб кетган экан.

      • 9'

        Бергвейннинг зарбаси бироз ноаниқ кетди.

      • 7'

        "Тоттенҳэм" прессинг уюштирмоқда. Рақиб майдон бўйлаб эркин ҳаракатлана олмаяпти.

      • 4'

        Тўпни мезбонлар назорат қилишга ҳаракат қиляпти. "Шпорлар" қарши ҳужумда.

      • 2'

        Илк ҳужумни "аристократлар" амалга оширди. Зиешнинг узоқ масофадан йўллаган зарбасини дарвозабон ушлаб олди.

      • 1'

        Учрашув бошланди!

      • 0'

        Футболчилар майдонга тушиб келди. Ўйин футбол афсонаси Диего Марадона хотирасига бир дақиқалик сукут билан бошланади.

      •  

      Матнда хатолик топсангиз, ўша хатони белгилаб, бизга жўнатинг (Ctrl + Enter)