АПЛ чемпиони бўлган мураббий “Реал”ни бошқаришни хоҳлаяпти

"Ливерпуль" бош мураббийи Арне Слот "Реал" бошқаришни хоҳлаяпти. Бу ҳақда "Topskills Sports UK" нашри хабар бермоқда.

Манба маълумотига кўра, нидерландиялик мутахассис Мерсасйд клубидаги ўз ҳолатидан кўнгли тўлмаяпти. У "Реал"ни бошқаришни орзу қилмоқда. Маълум бўлишича, Слот Мадрид клубини ўзининг футбол фалсафасини ҳаётга татбиқ этиши учун энг қулай жой деб ҳисоблаяпти. Агар "қироллик клуби"дан таклиф келиб тушса, у мамнуният билан бу таклифни қабул қилишга тайёр. 

Маълумот учун, Слот 2024 йилдан бери инглиз клубини бошқариб келмоқда. Шу давр мобайнида мутахассис битта АПЛ чемпионлигини қўлга киритишга эришди.