АПЛ клуби футболчиларга мухлислар билан расмга тушмасликни сўрамоқда

"Вулверхемптон" коронавирус эпидемияси сабаб клуб футболчиларига вақтинчалик мухлислар билан расмга тушиш ва уларга дастхат бермасликни тавсия қилмоқда.

Клуб расмий сайти маълумотига кўра, "бўрилар" клуб аъзоларига шахсий учрашувлар, тушлик ва жамоат тадбирларида иштирок этмасликни маслахат берган.

Шунингдек, "Вулверхемптон" клуб штаби ва машғулотлар базасига кириш ҳудудида дезинфекция воситалари ўрнатилишини маълум қилди.