APL klubi Pochettinoni eng ko‘p maosh oluvchi murabbiylaridan biriga aylantirmoqchi

Angliyaning "Nyukasl" klubi yozda jamoa ustozligiga "Tottenxem" sobiq bosh murabbiyi Maurisio Pochettinoni olib kelishni rejalashtirmoqda.

Sky Sports nashri xabariga ko‘ra, ingliz klubining yangi rahbariyati argentinalik mutaxassis uchun yillik 19 million funtlik shartnoma taklif qilishi kutilmoqda. Agar klub Pochettino bilan kelisha olmasa, unda rahbariyat Rafael Benitesni qaytarish masalasini ko‘rib chiqmoqchi.

Ayni vaqtda Stiv Bryus boshqaruvidagi klub Angliya chempionatining 29 turidan so‘ng 35 ochko bilan turnir jadvalida 13 o‘rinni egallab turibdi.