АПЛ "Манчестер Сити"ни жазолади

Англия Премьер-лигаси ва "Манчестер Сити" клуб ўртасида санкциялар бўйича келишувга эришилди. 2024/2025-йилги мавсум давомида "шаҳарликлар" 9 та ўйинда белгиланган қоидани — яъни жамоалар ўйиннинг биринчи бўлими ва иккинчи бўлими бошланишига вақтида чиқиши кераклигини бузган.

Мазкур 9 та ҳолатнинг барчасида "Манчестер Сити" иккинчи таймга кечиккан. Бундан ташқари, декабрь ойида бўлиб ўтган "Манчестер Юнайтед"га қарши дербида Хосеп Гвардиола жамоаси биринчи таймга ҳам кечикишга улгурган.

Натижада "Манчестер Сити" умумий ҳисобда 1,08 миллион фунт стерлинг миқдорида жаримага тортилди.

Эслатиб ўтамиз, ўтган Англия чемпионатида "Манчестер Сити" турнир жадвалини учинчи ўринда якунлаган эди.