АПЛ. "Отишмага" айланган баҳсда "Манчестер Юнайтед" "Борнмут" билан жанговар дуранг ўйнади
Англия Премьер-лигаси 16-турнинг сўнгги баҳси голларга бой кечди.
Рубен Аморим бошчилигидаги "Манчестер Юнайтед" ўз майдонида "Борнмут"ни қабул қилди ва 4:4 ҳисобидаги дурангга имзо чекди. Якунланган беллашув камбекларга бой ўтди.
Тўқнашувнинг 13-дақиқасида Амад ҳисобни очди, 40-дақиқада эса "Борнмут" ҳужумчиси Семеньо орадаги фарқни йўққа чиқазди. Бўлим якунланаётганда Бруну Фернандешнинг узатмасини Каземиро голга айлантириб, "қизил иблислар"ни яна олдинга олиб чиқди. Иккинчи бўлимнинг дастлабки 6 дақиқасида "Борнмут" икки гол уришга муваффақ бўлди. Бу голларга Эванилсон ҳамда Маркус Тавернье муаллифлик қилди.
77-дақиқада португалиялик ярим ҳимоячи Бруну Фернандеш жарима зарбасидан чиройли гол уриб, ҳисобни 3:3 кўринишига келтирди. Орадан 2 дақиқа ўтиб Кунья ҳам ўз номини таблога ёздириб қўйди. Бироқ, 84-дақиқада Эли Жуниор Крупи Борнмутнинг 4-голини киритди ва ҳисобни 4:4 қилди.
- Англия - Премьер-лига
- Regular Season
Манчестер Юнайтед
- Amad Diallo 13'
- Casemiro 45'
- Bruno Fernandes 77'
- Matheus Cunha 79'
16.12.2025 01:00
АФК Борнмут
- Antoine Semenyo 40'
- Marcus Tavernier 52'
- Evanilson 46'
- Eli Kroupi 84'
Комментарии