АПЛ старти олдидан "Арсенал"да йўқотиш!

"Арсенал" ҳужумчиси Габриэль Жезус тиззасидан кичик жарроҳлик амалиётини бошдан кечирди ва бир неча ҳафта майдонга туша олмайди.

“Афсуски, Жесус бугун эрталаб кичик тиббий муолажани бошдан кечирди. Унинг тиззасида бироз ноқулайлик бор эди, бу унга муаммо туғдирди, шунинг учун шифокорлар бунга аралашиши керак эди.

Футболчи бир неча ҳафта майдонга туша олмайди”, - дея бош мураббий Микель Артетанинг сўзларини келтиради "Football London" нашри.

Шу тариқа, 26 ёшли бразилиялик ҳужумчи Англия премьер-лигасида янги мавсум стартини ўтказиб юборади.