АПЛда "Ливерпуль" қўшимча дақиқаларда гол киритиш бўйича мутлақ рекордчи!

Англия Премьер-лигасининг 27-тур учрашувларидан бирида "Ливерпуль" сафарда "Ноттингем Форест"ни мағлуб этди. Ғалаба голи асосий вақтга қўшиб берилган дақиқаларда киритилди.

Ушбу гол "Ливерпуль" учун АПЛ тарихидаги (1992 йилдан буён) 90-дақиқадан кейин, қўшимча вақтда урилган 48-ғалаба голи бўлди. Бу Англия Премьер-лигаси учун мутлақ рекорд ҳисобланади. Мерсисайдликлар бу кўрсаткич бўйича исталган бошқа клубдан камида 12 тага кўп шундай гол урган.

Ҳозирда жамоа бош мураббийи Арне Слот шогирдлари чемпионат жадвалида 6-ўринни эгаллаб турибди. "Ливерпуль" очколар сони бўйича "Челси" ва "Манчестер Юнайтед" билан тенг кўрсаткичга эга, бироқ манчестерликларда битта захира ўйин мавжуд.