АПЛда мавсумнинг энг яхши футболчиси аниқланди. У ким?

Sky Sports нашри Англия премьер-лигасининг жорий 2019/20 йилги мавсумдаги энг яхши футболчиси номини аниқлаш бўйича сўровнома ўтказди.

Унга кўра, ушбу номга "Ливерпуль" форварди Садио Мане лойиқ, деб топилди. Муштарийларнинг 33 фоизи айнан сенегаллик футболчига овоз беришган.

Кучли учликдан эса “Ливерпуль”нинг яна бир аъзоси Жордан Хендерсон (31%) ва "Манчестер Сити" ярим ҳимоячиси Кевин де Брюйне (20%) жой олди.

Садио Мане бу мавсум АПЛда 26 та ўйинда майдонга тушди ва 14 та гол ҳамда 9 та голли узатмага муаллифлик қилишга эришди.