АҚШ учун Нидерландия билан ўйин олдидан яхши янгилик

АҚШ ҳал қилувчи 3-турда Эронни мағлубиятга учратиб плей-офф босқичига йўл олди. Ўйиндаги ягона голни Кристиан Пулишич киритганди, аммо футболчи учрашувда жароҳат олиб, майдонни тарк этди. Унинг қачон сафга қайтиши маълум эмасди.

“Челси” футболчиси АҚШнинг Нидерландияга қарши ўйинида майдонга тушади. Терма жамоанинг расмий футбол федерацияси твиттер орқали уни машғулотларда қатнашаётганлигини эълон қилди.

Берхалтер шогирдлари тарих ёзишда давом этмоқда. Улар Шимолий Америка қитъасидаги давлатлар орасида гурухдан чиққан ягона терма жамоага айланди.