АҚШ ва Ўзбекистон ўйинига бир кун қолди
Ўзбекистон терма жамоаси 7 март куни теннис бўйича “Дэвис кубоги“ мусобақасининг плей-офф босқичида АҚШ термасига қарши сафарда баҳс олиб боради.
 
8 март кунига қадар давом этадиган мазкур ўйинда мамлакатимиз шарафини Денис Истомин, Ҳумоюн Султонов, Санжар Файзиев ва Олимжон Набиев каби теннисчиларимиз ҳимоя қилади.
 
Қуръа натижасига кўра, дастлабки баҳсда мамлакатимизнинг биринчи рақамли теннисчиси Денис Истомин мезбонлар вакили Райли Опелкага қарши ўйин ўтказса, Санжар Файзиев илк ўйинида Тейлор Фриц билан тўқнаш келади.
 
Иккинчи кунги учрашувларда Майк ва Боб Брайан тандеми Санжар Файзиев ва Денис Истомин жуфтлигини синовдан ўтказади. Яккалик беллашувларининг навбатдаги баҳсида Тейлор Фриц - Денис Истомин ҳамда Райли Опелка - Санжар Файзиев ўзаро рақобатлашади.
 
Эслатиб ўтамиз, мусобақа доирасида 2015 йили Тошкентда Ўзбекистон ва АҚШ терма жамоалари ўзаро рақобатлашган. Унда америкалик теннисчилар 3:1 ҳисобида зафар қучган эди.
Матнда хатолик топсангиз, ўша хатони белгилаб, бизга жўнатинг (Ctrl + Enter)

Фикрлар

Фикр қолдириш учун авторизациядан ўтинг!
&
fc.navbahor
06/03/2020 14:05
E blee nimaykan depman sarlavxani oqip

Минбар

Барча блоглар