Арда Гюлер эплолмади, бошқа ўйинчи керак!

Мадриднинг “Реал” клубида майдон марказини ушлай оладиган маҳоратли ярим ҳимоячи қидириш ишларини  давом эттирадиган бўлди.  Бу эҳтиёж Лука Модрич жамоани тарк этганидан кейин пайдо бўлди.

Бош мураббийи Хаби Алонсо жамоага келганидан кейин Лука Модрич ўрнида туркиялик иқтидор эгаси Арда Гюлерни ўйнатиб кўрди. Бироқ натижа кутилганидек бўлмади.

Клуб раҳбарияти ҳозирги таркибда Лука Модрич даражасида ўйнай оладиган ижрочи йўқлигини аллақачон факт сифатида қабул қилиб бўлди. Бу ҳақида Madrid Zone  ва ESPN каби нуфузли манбалар хабар бермоқда.

Энди “Реал” трансфер бозорида Модрич вазифаларини ўз зиммасига олишга қодир янги ярим ҳимоячини қидирмоқда. Вариантлардан бири — Нидерландиянинг “АЗ Алкмаар” клубида тўп сураётган 19 ёшли Кес Смит.

Шу билан бирга, Арда Гюлернинг келажагига ҳеч қандай хавф йўқ. У фақат ўзи учун одатий бўлган позицияларда ишлатилади. Қизиғи шундаки, Лука Модрич ўтган ёзда “Реал”ни тарк этишни истамаган эди. Бироқ “Қироллик клуби” раҳбарияти ёш футболчиларга устуворлик беришга қарор қилган.