Аргентина футболи раҳбари АҚШ томонидан қўлга олинди

АҚШ Федерал тергов бюроси (ФБР) жаҳон чемпионати финали якунлангач, Нью-Йорк аэропортида Аргентина футбол ассоциацияси (AFA) президенти Клаудио Тапиани ҳибсга олди.  Бу ҳақда аргентиналик TN телеканали хабар берди.

Маълумотларга кўра, Тапиа ва ассоциациянинг бошқа вакилларидан ноутбуклар ҳамда мобил телефонлар олиб қўйилган. 

Ҳужжатларда қайд этилишича, Клаудио Тапиа, AFA ғазначиси Пабло Товигино ва ташкилот раҳбарига яқин тадбиркор сифатида тилга олинаётган Хавьер Фарони 30 июль куни Флорида штати Жанубий округи судида кўрсатма бериши керак.

Бу воқеа AFA билан боғлиқ молиявий ва тижорат битимлари юзасидан олиб борилаётган текширувлар фонида содир бўлди. Охирги ҳафталарда айниқса Фарони ва унинг рафиқаси томонидан Жанубий Флоридада камида тўртта люкс кўчмас мулк харид қилиниши бўйича суриштирув фаоллашган. Ушбу объектларнинг умумий қиймати 11 миллион доллардан ошиб кетиши айтилмоқда.

Шу билан бирга, АҚШ Адлия вазирлиги AFA молиявий фаолияти юзасидан дастлабки текширувни давом эттирмоқда. Терговчилар ташкилот билан боғлиқ маблағларнинг бир қисми АҚШ банк тизими орқали ўтар экан, улар молиявий фирибгарликка оид жиноятларга сабаб бўлган-ўлмаганини аниқлашга уринаётгани маълум қилинган.