Аргентина Осиёда ўртоқлик ўйини ўтказиши мумкин

Австралия миллий терма жамоаси Аргентина билан ўртоқлик ўйини ўтказиши мумкин. Бу ҳақда Австралиянинг "The Age" портали хабар бермоқда.

Манбанинг маълум қилишича, сешанба куни тарқалган маълумотларга кўра, Австралия ноябрь ойидаги халқаро танаффус даврида Ҳиндистоннинг Керала шаҳрида бўлиб ўтадиган ўртоқлик ўйинида Аргентинага рақиб сифатида танланган. Австралия футбол федерацияси бу ҳақда изоҳ беришдан бош тортди, бироқ музокаралар жараёнидан хабардор бўлган шахслар федерацияга ҳақиқатан ҳам ташқи ташкилотчи Жавоҳарлал Неру номидаги 40 минг томошабинга мўлжалланган стадионда ўтказиладиган ўйинда иштирок этиш таклифини берганини тасдиқлади.

Ҳозирча келишув имзоланмаган. Австралияликлар ўртоқлик ўйинларини ноябрь ойида ўз юртларида ўтказишни режалаштирган эди. Бу Жаҳон чемпионати плей-оффида Уругвай устидан қозонилган ғалабанинг 20 йиллигига тўғри келади, аммо ҳозирча уларнинг мамлакатига ташриф буюришни хоҳловчи терма жамоа топилмаган. Бундан ташқари, бир қатор йирик маҳаллий стадионлар концертлар ўтказиш учун банд қилинган.