Аргентина терма жамоаси мағлубиятдан сўнг Мессига мурожаат қилди

2026 йилги жаҳон чемпионати финалида Испанияга (0:1) мағлуб бўлганидан сўнг Аргентина терма жамоаси ўзининг ижтимоий тармоқлардаги саҳифаларида жамоа сардори Лионель Мессига бағишланган махсус пост эълон қилди. 

39 ёшли футболчи соврин топшириш маросимида кўз ёшларини тия олмади.

- Сенинг кўз ёшларинг — бизнинг кўз ёшларимиз, капитан. Сен бизга ҳаётимизнинг энг ёрқин дақиқаларини ҳадя этдин. 

Садоқатинг, майдондаги ўйининг ва охирги сониягача курашганинг учун миннатдормиз. Биз сени абадий севамиз, Лео, — дея қайд этилган Аргентина терма жамоасининг расмий саҳифасида.

Шу тариқа Аргентина жаҳон чемпиони мақомини бошқа жамоага топшириб, мусобақани кумуш медаллар билан якунлади. 

Испания эса ўз тарихида терма жамоалар ўртасидаги энг нуфузли мусобақада иккинчи бор чемпионликни қўлга киритди. Испанлар илк марта жаҳон чемпиони унвонини 2010 йилда қўлга киритган эди.