Аргентина терма жамоасининг собиқ футболчиси: «Олтин тўп»ни Ямаль қўлга киритади

Аргентина терма жамоасининг собиқ футболчиси Омар де Фонсека журналистлар билан суҳбатда бу йилги «Олтин тўп» соҳиби ким бўлиши ҳақида фикр билдирди.

Де Фонсека RMC Sport нашрига берган интервьюсида унинг фикрича, бу йилги соврин «Барселона» ва Испания терма жамоаси ҳужумчиси Ламин Ямалга насиб этишини айтди.

«Ямальнинг ўйинидан беқиёс завқ оламан», — деди эксперт.

Эслатиб ўтамиз, Ламин Ямаль бу йилги «Олтин тўп» учун номзодларнинг кучли 30 талигидан жой олган. Мутахассислар испаниялик футболчини соврин учун асосий даъвогарлардан бири сифатида кўрсатмоқда. Ямальдан ташқари, англиялик Гарри Кейн, французлар Килиан Мбаппе ва Майкл Олисе, шунингдек, испаниялик Родри Эрнандес ҳам соврин учун даъвогарлар қаторида.

Қайд этиш лозим, Ламин Ямаль ўтган мавсумда «Барселона» билан Ла Лигада ғолиб чиққан ва Испания терма жамоасига Жаҳон чемпионатида ғалаба қозонишга ёрдам берган.