Аргентинада ЖЧга бора олмаган мухлисларга бепул телевизорлар тарқатилди

Жаҳон чемпионати старт олишидан олдин Аргентинада қизиқ акция ташкил этилди.

"Reuters" агентлигининг хабар беришича, АҚШ визасини ола олмаган аргентиналик мухлислар Буэнос-Айрес шаҳрида навбатга туриб, бепул телевизорларга эга бўлишди.

Акция маҳаллий электроника ишлаб чиқарувчиларидан бири томонидан ташкил қилинган бўлиб, у Жаҳон чемпионати ўйинларини жонли томоша қилиш учун АҚШга боришни режалаштирган, аммо кириш ҳужжатларини расмийлаштира олмаган мухлисларга мўлжалланган.

Шу тариқа, мундиални стадиондан кузатиш имкониятидан маҳрум бўлган мухлислар турнирни уй шароитида томоша қилиш имкониятига эга бўлди.

Эслатиб ўтамиз, Жаҳон чемпионати АҚШ, Канада ва Мексикада ўтказилмоқда. Аргентина терма жамоаси гуруҳ босқичида Алжир, Австрия ва Иорданияга қарши баҳс олиб боради.