Арне Слот "Брайтон"га қарши учрашувдан сўнг захирадан майдонга тушган Салоҳ ҳақида нималар деди?

Хабарингиз бор, Англия Премьер-лигасининг 16-турида Арне Слот бошқарувидаги "Ливерпуль" ўз уйида "Брайтон"ни қабул қилиб, 2:0 ҳисобида мағлубиятга учратди. Ушбу беллашувдан сўнг нидерландиялик мутахассис жамоа афсонаси ҳисобланган Муҳаммад Салоҳ ҳақида ўз фикрлари билан ўртоқлашди. 
 
"У рақиб учун жуда катта хавфли футболчи бўлди. Менимча, унинг биринчи тўхтатиши деярли Макаллистер учун голли пасга айланди. Биз яратган барча хавфли вазиятларда у бор эди. Уни майдонда кўрганимдан жуда хурсанд бўлдим. Лекин бу ажабланарли эмас, чунки у буни "Ливерпул" сафида кўп марта қилган.

Уни бошқа ўйинчилар билан бирга рўйхатга киритиш қарорини қабул қилиш осон бўлди. Мен бундан олдин кўп марта айтганман: Салоҳ билан гаплашганларимизни ўртоқлашмаймиз.

У бизга керак эди ва айнан у иккинчи голга пас узатди – 2:0, бу биз учун жуда ёқимли. Муҳаммад Африка Миллатлар Кубогида иштирок этади ва бу биз учун яна бир футболчининг йўқлиги дегани. Биз бу ҳақда мавсум бошиданоқ билиб турдик. Умид қиламанки, бир-икки футболчи жароҳатдан сўнг қайтиши мумкин", - дея таъриф бериб ўтди мерсисайдликлар мутахассис. 
 
Маълумот ўрнида, Салоҳ "Лидс"га қарши берган интервьюсидан сўнг "Интер"га қарши учрашувда қайдномага киритилмади. Бугун эса Муҳаммад дастлаб ўйинни захира ўриндиғида бошлади, биринчи бўлимнинг ўрталарида эса Жоэ Гомес ўрнига майдонга тушди ва ўз ҳисобига ассист ёздириб қўйди.