Arne Slot: Ekitike jarimaga tortilmaydi

"Liverpul" bosh murabbiyi Arne Slot hujumchi Yugo Ekitikening jarimaga tortilmasligi haqida ta’kidladi. 

"Yugo jarimaga tortilmaydi. Biz u bilan suhbatlashdik. Jamoadoshlaridan uzr so‘radi. Mayda narsalar uchun futbolchilarni jarimaga tortib, ularni ruhiyatini tushurishni istamayman. Ekitike - hali yosh va ko‘p narsalarni o‘rganishi va hissiyotlarni jilovlay bilishi kerak", - dedi niderlandiyalik mutaxassis.

Ma’lumot uchun, frantsiyalik forvard Angliya liga kubogi doirasida "Sautgempton"ga qarshi bahsda g‘alaba golini urganidan so‘ng libosini echib tashlagani uchun ikkinchi sariq kartochka bilan jazolanib maydondan chetlatilgan edi.