Арне Слот ҳали ҳеч қачон бунақа шарманда бўлмаган эди...

Англия Премьер-лигасининг 8-туридан ўрин олган “Ливерпуль” ва “Манчестер Юнайтед” ўртасидаги учрашувда кўпчилик кутмаган натижа қайд этилди.

Амалдаги чемпион ўз мухлислари кўз ўнгида инқироздан чиқишга уринаётган манчестерликларни қабул қилиб, ўйинда 1:2 ҳисобида ютқазиб қўйди.

The Athletic нашрининг ёзишича, бу натижа “Ливерпуль” бош мураббийи Арне Слот учун антирекорд сифатида тарихга ёзилди. Гап шундаки, бу мутахассис мураббийлик фаолияти давомида ҳали ҳеч қачон кетма-кет тўртта учрашувда ютқазмаган экан.

“Юнайтед” билан бўлган ўйингача Арне Слот шогирдлари АПЛ доирасида “Кристал Пэлас” ва “Арсенал”га ҳам бир хил – 1:2 ҳисобида мағлуб бўлган. Европа Чемпионлар лигасида эса. “Галатасарой” ливерпулликларни 1:0 ҳисобида енгган эди.

Бундан ташқари, “Ливерпуль” 2014 йилдан бери илк бор қаторасига тўртта ўйинда имкониятни бой берди. Ўшанда жамоани Брендан Рожерс бошқарган ва мағлубиятлар сериясидан қутилиш анча тер тўкишига тўғри келганди.