"Арсенал" 40 миллион еврога ҳимоячи сотиб олмоқчи

Ёзги трансферлар ойнасида фаол ҳаракат қилаётган "Арсенал" ўнг қанот ҳимоячиси сотиб олмоқчи. Клуб радарига "Байер Леверкузен" футболчиси Жереми Фримпонг тушди, дея хабар бермоқда "BILD" нашри. 

Маълум бўлишича, мазкур трансфер "канонирлар"га 40 миллион фунтга тушиши мумкин. Клуб Фримпонг учун курашда ёлғиз эмас. "Манчестер Юнайтед" ҳам ҳимоячини ўз таркибига қўшиб олишга ҳаракат қилмоқда. 

22 ёшли футболчи топ клубга ўтишга қарши эмас. Унинг "Байер" билан тузган шартномаси 2025 йилгача амал қилади. Немис жамоаси ҳам Жеремига яхшироқ таклиф келса, уни қўйиб юборишга тайёр.