"Арсенал" 55 йиллик клуб рекордини янгилади

"Арсенал" Англия чемпионатининг сўнгги турида "Вест Хэм"ни мағлуб этиб, мавсумдаги 42-ғалабасини қўлга киритди.

Шу тариқа, лондонликлар клуб тарихидаги янги рекордни ўрнатишди. Бунгача энг яхши натижа 1970/71 йилги мавсумда қайд этилган бўлиб, ўшанда жамоа барча мусобақалар доирасида 41 та ғалабага эришганди.

Ҳозирда "Арсенал" бир вақтнинг ўзида икки йирик турнирда соврин учун курашмоқда. Жамоа Англия Премьер-лигасида чемпионлик учун даъвогар бўлиб турибди.

Шунингдек, лондонликлар УЕФА Чемпионлар лигаси финалига йўл олган. Улар май ойи охирида ҳал қилувчи баҳсда ПСЖга қарши майдонга тушади.