"Арсенал" — Англия Премьер-лигасининг 2025/2026 йилги мавсум чемпиони!

Микель Артета бошқараётган “Арсенал” Англия Премьер-лигаси 2025/26 мавсуми чемпионлигини расман қўлга киритди.

37-турда “Манчестер Сити” меҳмонда “Борнмут”ни мағлуб эта олмади — 1:1. Шу натижадан кейин лондонликлар муддатидан аввал чемпионликни кафолатлади.

Бу “Арсенал” тарихидаги 14-чемпионлик бўлди. Жамоа бунгача 1930/31, 1932/33, 1933/34, 1934/35, 1937/38, 1947/48, 1952/53, 1970/71, 1988/89, 1990/91, 1997/98, 2001/02 ва 2003/04 мавсумларида ҳам Англия чемпиони бўлган эди.

Мамлакат чемпионатлари сони бўйича “Арсенал”дан фақат “Ливерпуль” ва “Манчестер Юнайтед” устун турибди. Ҳар икки клуб ҳисобида 20 тадан чемпионлик мавжуд. “Манчестер Сити” эса 10 марта чемпион бўлган.