“Арсенал” Бенземани олиб келишга қарор қилди

“Арсенал” узоқ кутилган чемпионликни қўлга киритиш учун ҳужум чиғини кучайтиришни мақсад қилган.

Манбаларнинг таъкидлашича, бош мураббий Микель Артета жамоага Карим Бенземани қўшиб олмоқчи. Каримнинг “Ал-Иттиҳод” раҳбарияти билан муносабатлари бузилган. Саудия клуби бош мураббийи Марсело Гальярдо 36 ёшли машҳур футболчини машғулотлардан четлатган эди.

Бундай муносабат Карим Бенземани жумбушга келтирди. Франциялик форвард Саудиядан кетиш йўлини қидиряпти.

“Арсенал” мутасаддилари Бенземани мавсум охирига қадар ижарага олиш бўйича иш бошлади.

“Реал”даги фаолиятини якунлаб, “Ал-Иттиҳод”га кўчиб ўтган Карим Бензема 24 та учрашувда 15 та гол ва бешта ассист қайд этганига қарамай, мухлислар томонидан кескин танқид қилинмоқда. Бунга жамоанинг юқори ўринларга кўтарила олмаётгани сабаб бўлмоқда.