"Арсенал" бу ишни тўрт йилдан буён уддалай олмаётган эди

Премьер-Лига 21-тури доирасида "Арсенал" "Саутгемптон" меҳмони бўлди ва ишончли тарзда ғалаба қозонди.

Учрашувдаги голларни Эдвард Нкетиа ва Жозеф Уиллок ўз номларига ёзиб қўйди.

Инглиз матбуотига кўра, "Арсенал" сафида АПЛ доирасида 2016 йил 14 августидан буён битта ўйинда иккита англиялик футболчи илк маротаба гол киритди.

Шунингдек, ушбу ғалаба лондонликлар учун мавсум рестартидан кейинги дастлабкиси бўлди. Бунгача клуб "Манчестер Сити" (0:3) ва "Брайтон"га (1:2) имкониятни бой берган эди.